ترکمني

ترکمنان خپله ژبه د تعلیم، د سواد زده کړې، د فرهنګي معلوماتو د ثبتولو او د کیسو او شعرونو د لیکلو لپاره کاروي.

ترکمني ژبه له ډېر لرغونو زمانو څخه ویل کېږي، ولې له ۲۰۰۱ کال څخه وروسته ترکمنانو د دغې ژبې لیکلې بڼې ته پرمختګ ورکړی دی. د افغانستان د علومو اکاډمۍ په ۲۰۲۰ کې د ترکمني ژبې رسمي الفبا تصویب کړه.

په افغانستان کې ترکمني ژبه په جنوبي ترکمني او ترکمنچه نومونو باندې هم یادېږي، چې په جوزجان، فاریاب، سرپل، بادغیس او هرات ولایتونو کې پرې خلک خبرې کوي. تقريباً له یونیم میلیون څخه تر درې میلیونه پورې کسان پرې خبرې کوي.